GENERAL SANTOS CITY – Makasubo nga panamilit sa usa ka kusgan ug gamhanang punu-an sa acacia sa kilid sa City Hall.
Kini ang ulahing pahayag sa Philippine Institute of Environmental planners SoCCSKSARGEN nga girepresentahan ni Patrick Jerome dihang miatender sa “consultation” meeting.
Nakita matud pa sa grupo sa mga environmental planners ang pagbutang ug pahibalo kalabut ang pag-ibot sa acacia nga ipahigayon ugmang adlawa Agusto 20, 2023.
Basi sa pagbana-bana ang nahisgutang acacia adunay katas-on nga 35 metros ug ang kalapad sa iyang mga sanga ug dahon anaa sa singkwenta ngadto sa setenta y singko metros.
Ang kalawmon sa iyang mga gamot anaa sa dyes ngadto sa kinse metros kalawmon. Samtang gibana bana nga nag edad ug saysenta ka tuig.
Una nga gikabutyag sa CENRO nga gumikan sa iyang edad adunay survival rate nga kinse ngadto sa baynte porsyento .
Gikadugang pa nga bisan sa iyang kadako walay nakuha nga semelya samtang gikwestyon ang dali nga pag-ibot ug pagbalhin sa maong punu-an sa kahoy.
