POLOMOLOK- Nanawagan si Polomolok Mayor Bernie Palencia sa iyang mga konstityuwente nga magpabiling kalmado ug positibo bisan pa sa mga hagit nga nasinati sa komunidad karong tuiga.
Matod ni Palencia, nasinati sa Polomolok ang 7.8 magnitude nga linog niadtong Hunyo 8, ug ning miaging mga bulan lamang nakasulay usab ang pipila ka eskwelahan sa Polomolok og mga hulga sa seguridad .
Gipunting sa mayor nga bisan pa sa maong mga panghitabo, dili angay nga mapildi sa kahadlok ang mga residente, ilabi na ang mga estudyante, ginikanan ug mga magtutudlo.
Samtang, iyang gipasabot nga kinahanglan magpabiling alerto ang komunidad ug palig-onon pa ang seguridad sa mga eskwelahan.
Giawhag usab ni Palencia ang mga ginikanan ug magtutudlo nga magtinabangay ug mosunod sa mga lakang alang sa kaluwasan sa mga estudyante.
Gipasalig sa mayor nga padayon ang pagpalig-on sa kagahamanan alang sa seguridad sa tulonghaan ilabina sa mga estudyante.
