GENERAL SANTOS CITY | Personal nga gibisita ni Kag. Lourdes Casabuena ang punerarya nga gidad-an sa mga biktima sa mangilngig nga disgrasya sa dakbayan. Matud ni Casabuena nga kini aron masayran kung unsa ang mga pwede nga angayang himoon sa syudad alang sa mga kabanay sa mga biktima.
Human ang pakig estorya ngadto sa pipila ka mga kabanay nagkanayon ang Konsehal nga panahon na nga ipatuman sa syudad ang speed limit aron nga dili na subli nga mahitabo pa ang maong disgrasya. Gikadugang pa niini nga ang ubang mga lugar ang gapatuman og speed limit busa angayan nga magpatuman usab ang dakbayan.
Kahinumduman nga nagpabilin pa sa tambalanan ang lima ka biktima nga nakaangkon ug mga samad sa lawas apil ang driver sa pick-up truck nga naapil usab sa pagkabangga.
