Gipadayag ni House Deputy Speaker ug NUP chairman Ronnie Puno nga kapin sa katunga sa 55 ka miyembro sa ilang grupo ang mosuporta sa impeachment complaints batok kang Vice President Sara Duterte.
Sumala niya, adunay laing hugna sa konsultasyon ang mga kongresista sa ilang mga nasakupan sa wala pa ang gilauman nga botohan sa Lunes, Mayo 11.
Iyang giangkon nga sa sinugdanan negatibo pa ang panan-aw sa kadaghanan sa ilang partido, apan karon klaro na nga mga 30 ka miyembro ang pabor nga ipadala ang reklamo sa Senado.
Gipasiugda usab sa NUP nga mogamit sila og conscience vote sa maong isyu sa pagpahawa sa bise presidente.
Sa laing bahin, nagpasalamat si Manila 2nd District Rep. Rolando Valeriano tungod kay gihatagan sila og kagawasan sa pagpili sa ilang baruganan ug walay pagpugos sa ilang partido.
