Nakadawat og pinansyal nga ayuda nga nagkantidad og P100,000 ang pamilya ni Quenjo Lacrita, nga namatay sa Damam, Saudi Arabia, pinaagi sa Department of Migrant Workers (DMW) ubos sa administrasyon ni Presidente Ferdinand Marcos Jr.
Sumala kang Donaldo Subaan, ig-agaw sa biktima nga, dako ang ilang pasalamat sa gobyerno tungod sa paghatag og personal nga pagtagad sa ilang kahimtang bisan pa sa daghang pamilya nga nag-atubang usab og susamang sitwasyon.
Matud pa niya, dako kaayo og tabang ang maong ayuda sa ilang pamilya ilabi na sa panahon sa ilang kalisod.
Sa pagkakaron, naghulat pa ang pamilya sa resulta sa autopsy nga gihimo sa National Bureau of Investigation (NBI), ug andam sila modawat sa bisan unsang mahimong resulta niini.
Gikatakda usab nga ihatud si Lacrita sa iyang kataposang pahulayan karong Mayo 17, 2026.
