Konstruksyon sa Mabuhay Underpass padayon bisan pa sa nagkaylap nga impormasyon sa suspensyon

GENSAN- Gipaklaro sa Project Evaluation Officer sa DPWH nga nagpadayon ang konstruksyon sa Mabuhay Underpass ug wala kini nasuspinde bisan pa sa nagkalain-laing impormasyon nga mikaylap.

Giingon niya nga ang trabaho sa sulod nga bahin sa underpass padayon ug full blast gihapon sa site.

Kini human nga migawas ang Notice to the Public gikan sa Vicente Lao Construction nga naghisgot og posibleng suspensyon sa proyekto.

Sumala sa DPWH, ang maong tarpaulin gikan pa sa Pebrero apan wala kini nagpasabot nga adunay aktuwal nga pagpahunong sa operasyon.

Gani, nakabuhos na og kapin 89 metros sa inner ug outer lane sa right side ang proyekto. Nagpasabot kini nga padayon ang implementasyon sa konstruksyon sumala sa plano sa ahensya.