GENSAN- Gipahibalo ni Atty. Jong Gonzaleza labaw sa Public Safety Office nga sirado na ang pagdawat og bag-ong aplikasyon ug renewal sa prangkisa tungod kay naabot na sa 9,000 ang gitakdang limit sa MTFRB.
Sumala kaniya, ang deadline sa renewal alang sa mga expired nga prangkisa nahuman na niadtong Abril 30 ug wala nay dawaton pa human sa maong petsa.
Giingon usab niya nga adunay kapin 3,000 ka prangkisa ang wala nag-renew bisan pa sa gihatag nga lugway sa gobyerno. Iyang gipaklaro nga responsibilidad sa tag-iya sa prangkisa ang pag-renew sama sa lisensya ug rehistro sa sakyanan.
Sa meeting sa MTFRB karong Huwebes, isumite niya ang listahan sa mga wala nakaabot sa renewal deadline alang sa posibleng desisyon sa pag-revoke.
Posible usab nga mahatagan og bag-ong oportunidad ang ubang aplikante kung ipatuman ang pag-revoke sa mga wala nag-renew.
