Alex Eala sulod na sa ikaduhang round sa Italian Open

Misulod na sa ikaduhang round sa Italian Open ang Pinay tennis star nga si Alex Eala.

Nahimo niya kini human mapildi si Magdalena Frech sa Poland sa tulo ka sets sa iskor nga, 6-0, 3-6, ug 6-4.

Maayo ang iyang pagsugod sa unang set apan nakabawi ang Polish nga magdudula sa ikaduhang set.

Sa ikatulong set, mas miinit ang dula ug gipakita sa 20-anyos nga si Eala ang iyang kusog hangtod siya nakalusot.

Nabilib usab si Frech sa gipakitang abilidad ni Eala ug miingon nga dili malabwan ang iyang talento.

Sunod nga makalaban ni Eala ang world number 33 nga si Wang Xinyu sa China nga nakakuha og bye sa unang round.