GENSAN – Gipaabot pa karon ang resulta sa autopsy sa patay nga lawas ni OFW nga si Quenjo Lacrita, nga namatay sa Dammam, Saudi Arabia, ug karon nakahaya sa ilang panimalay sa Apopong, General Santos City.
Sumala ni Donaldo Subaan, pinsan sa biktima, posibleng moabot pa sa tulo ka bulan ang paghulat aron mahibal-an ang tinuod nga hinungdan sa kamatayon ni Quenjo.
Wala pa usab klaro sa karon ang detalye sa iyang pagkamatay samtang nagpadayon ang proseso sa imbestigasyon.
Giingon sa pamilya nga dawaton nila kung unsa man ang mogawas nga resulta sa autopsy.
Apan mipadayag sila nga determinado gihapon silang mosang-at og kaso batok sa recruitment agency nga nagpadala sa biktima sa Saudi Arabia tungod sa gipasanginlang negligence sa ilang responsibilidad.
Nagpabilin karon ang pamilya sa paghulat sa hustisya samtang nagbangotan sa pagkawala ni Quenjo.
