Andam na ang kinatibuk-an nga 268 ka mga atleta gikan sa General Santos City alang sa umaabot nga Palarong Pambansa 2026, nga ipahigayon sa Prosperidad, Agusan del Sur karong Mayo 24, 2026.
Sumala kang Division Sports Officer Ronald Radin, ang maong mga atleta karon anaa sa gitawag nga leave-out training sulod sa dakbayan aron mapalig-on ang ilang abilidad, disiplina, ug pagpangandam sa kompetisyon.
Ang grupo gilangkuban sa 53 ka elementarya, 199 ka secondary, ug 18 ka SPED athletes, nga gilauman nga magrepresentar sa ilang dibisyon uban sa kusog nga determinasyon ug disiplina sa umaabot nga national sports event.
Gilauman nga pinaagi sa ilang paningkamot ug padayon nga training, makadala sila og dungog ug kadaugan alang sa ilang lungsod ug sa tibuok rehiyon.
