Naglisod sa pag adjust sa iyang inadlaw nga aktibidad ang 60 anyos nga Italian human ma hit-and-run hinungdan nga coma ug napanas sa iyang panumduman ang 39 ka tuig nga panumduman hinungdan nga wala mailhan ang iyang pamilya.
Gikan kaniadtong 1980 hangtud karon dili mahinumduman sa nagpangalan ug Luciano d’Adamo ang mga nahitabo kaniya.
Nahinumduman lamang niini nga 24 anyos siya ug nagpaabot nga ikasal sa iyang 19 anyos nga fiancee samtang wala niini mailhan ang 58 anyos nga babaye nga nagtawag kaniya ug Daddy nga nagpaila nga iyang asawa.
Nawala usab sa iyang handumanan ang iyang kasal, iyang anak, mga higala ug career.
Human nakamata gikan sa pagka coma misinggit kini sa kalisang dihang makita ang iyang panagway sa salamin nga puti na ang buhok ug kunot na ang pamanit samtang gituhu-an nga 24 anyos pa lamang siya.
Gituhu-an nga ang makusog nga pagkabunal sa ulo ni Luciano dihang nabiktima sa hit and run maoy hinungdan sa pagkapanas sa 39 ka tuig sa iyang memorya.
