Usa ka dakong lakang sa kalibutan sa siyensya ang napamatud-an sa kompanya nga Colossal Biosciences human nila malampusong napusa ang mga buhing piso gamit ang artipisyal nga itlog.
Ang teknolohiya gidisenyo aron matabangan ang pagpanganak sa mga nameligrong espisye ug posible nga mabalik ang mga napuo nga hayop.
Ang artipisyal nga itlog morag usa ka yano nga plastik nga tasa, apan kini usa ka 3D-printed nga istruktura nga adunay talagsaon nga disenyo. Ang inobasyon mao ang silicone membrane nga giputos sa sulod niini, nga nagtugot sa igo nga oxygen nga makasulod sa natural, susama sa proseso sa usa ka tinuod nga itlog sa langgam.
Aron masulayan kini, maampingong gibalhin sa mga eksperto ang sulod sa usa ka biological nga itlog ngadto sa artipisyal nga sudlanan. Ang panguna nga katuyoan sa Colossal Biosciences sa pagpalambo niini nga teknolohiya mao ang pagpabuhi pag-usab sa higanteng moa sa South Island (Dinornis robustus), usa ka higanteng langgam sa New Zealand nga tulo ka metros ang gitas-on ug mitimbang og 500 ka libra ug napuo sa ika-14 nga siglo.
Ang kompanya naghimo usab og mas dako nga bersyon sa usa ka artipisyal nga itlog nga sama kadako sa usa ka football para sa langgam nga moa.
Bisan pa man og malampuson silang nakapangitlogs og mga piso, giangkon sa mga eksperto nga layo pa ang ilang lalakton sa dili pa hingpit nga mabalik ang porma sa higanteng moa. Kinahanglan pa nila nga analisahon ug manipulahon ang DNA gikan sa karaang mga bukog niini aron masagol sa genome sa buhing mga langgam.
