Imbis nga kasal ang gitambongan nauli kini sa usa ka gender reveal ang panghitabo sa milabayng adlaw sa Palimbang, Sultan Kudarat.
Samtang ang maong insidente ang nakadani og daghang reaksiyon sa hisgutan sa social media sa nasampit nga usa ka miyembro sa LGBTQ community human giingong nagpakaaron-ingnon isip babaye ug nakigminyo sa mas batan-ong lalaki atol sa usa ka engrandeng tradisyonal nga kasalang Muslim sa Palimbang.
Nag-viral sa social media ang mga litrato ug video sa maong kasal human gibutyag sa pamilya sa lalaki ang pipila ka detalye bahin sa giingong pagpanlimbong.
Sumala sa pamilya sa lalaki, didto ra matod pa nahibaloan sa biktima ang tinuod nga kasarian sa iyang napangasawa human na sa seremonya sa kasal, nga nakapakurat ug nakapasubo sa ilang pamilya.
Migawas usab ang impormasyon nga sa wala pa kini nga insidente, adunay usa pa ka Muslim nga lalaki nga giingong naka-relasyon ug napangasawa usab sa maong indibidwal.
Sa pagkakaron, gihulat pa ang opisyal nga pahayag sa mga awtoridad kabahin sa posibleng mga kaso nga mahimong ipasaka batok sa suspek.
Nangayo usab kini ug pasaylo sa publiko hilabi na sa kaigsounang Muslim tungod saiyang salaod nga nabuhat.
Samtang gipaklaro usab nga ang natigayong kasal ang wala bisa tungod hugot nga gibawal sa relihiyong Islam ang same sex marriage.
