Nakapahimug rekord ang Jericho High School human adunay 21 ka valedictorian gikan sa kapin 300 ka graduating students sa ilang klase karong tuiga.
Sumala sa administrasyon sa eskwelahan, ang paghatag sa valedictory status gibase sa unweighted letter grades ug dili sa eksaktong porsyento sa grado, hinungdan nga tanang estudyante nga nakakuha ug puro A+ mahimo’g valedictorian.
Giingon ni Superintendent Robert Kravitz nga ang maong sistema naghatag ug patas nga oportunidad bisan sa mga estudyanteng wala nagkuha ug advanced placement classes.
Matod usab ni Co-Principal Brian Cummings, ang matag A+ bugti sa labing menos 97% nga marka ug nagpakita kini sa taas nga lebel sa kalampusan sa mga estudyante.
Tungod sa kadaghan sa mga valedictorian, dili na makahatag ug speech ang tanan panahon sa graduation apan himuan sila ug espesyal nga video aron ipakita sa komunidad ang ilang mga nahimo.
