Gianunsyo ni Senate President Alan Peter Cayetano ang pagporma sa Blue Ribbon Subcommittee nga motutok sa imbestigasyon sa giingong multibillion-peso Flood Control Scandal.
Pangulohan kini ni Senador Rodante Marcoleta isip kabahin sa mas lapad nga reorganisasyon sa Blue Ribbon Committee human sa kausaban sa liderato sa Senado.
Miabot ang maong lakang taliwala sa kontrobersiya human morekomenda ang Department of Justice og plunder ug graft charges batok kang Senador Jinggoy Estrada ug kanhi DPWH Secretary Manuel Bonoan kalabot sa giingong iregularidad sa flood control projects.
Gikritisar sa pipila ka political analysts ang bag-ong komposisyon sa Blue Ribbon Committee nga posibleng makapahuyang matod pa sa kredibilidad sa mga imbestigasyon.
Bisan pa niini, gipasabot ni Cayetano nga tumong sa subcommittee nga mapaspasan ang pagbutyag sa kamatuoran kalabot sa mga alegasyon sa korapsyon.
Ang Flood Control Scandal nagtumong sa giingong anomalya sa multi-billion piso flood control projects nga adunay kalambigitan sa ghost projects, overpricing, ug kickbacks.
Pinaagi sa pagporma sa subcommittee, gilauman nga mas mahimong lawom ang mga pagdungog ug mas molig-on ang panawagan alang sa pagpapanubag sa mga nalambigit sa maong kontrobersiya.
