Gikonsiderar sa Department of the Interior and Local Government ang posibilidad nga magbutang og “pabuya” o patong sa ulo ni Senador Ronald dela Rosa aron siya madakpan.
Kasalukuyang wanted sa International Criminal Court ang kanhing hepe sa Philippine National Police tungod sa iyang giingong papel sa madugoong war on drugs sa ilawom sa Duterte administration.
Sa ikaduhang semana sa pagpangita sa senador nga nagatago, miingon si Sec. Jonvic Remulla nga posible silang maghatag og pabuya aron madakpan ang senador.
Apan giingon usab sa kalihim nga dili pa kini epektibo sa karon, busa ilang ginatan-aw pa ang mga angay buhaton.
Matod sa mga report, kaniadto naghatag usab ang ahensiya og ₱20 milyones nga pabuya alang sa makahatag og impormasyon aron madakpan ang gambling tycoon nga si Atong Ang, nga giingong nalambigit usab sa kaso sa kidnapping ug pagkawala sa mga sabungeros.
Bisan pa sa maong patong sa ulo, nagpabilin nga at-large si Atong Ang samtang ang uban niyang mga kauban nga akusado anaa na sa kustodiya.
