Nabreak sa usa ka influencer nga naila sa bansag nga “Lawn Queen” ang Guinness World Record sa Kentucky pinaagi sa pagtabas sa sagbot sa usa ka lugar nga susama kadako sa usa ka football field sulod lang sa 15 minutos.
Gimaneho ni Hali Rieman, usa ka turf care influencer, ang usa ka mower nga iya sa technology company nga Rehlko aron tabasan ang mga sagbot sa TurfMutt Great Lawn sa Louisville’s Waterfront Park, nga iyang nahuman sulod sa 14 minutos ug 51.06 segundos.
Ang maong kalihukan mibuak sa Guinness World Record alang sa “fastest mowing” sa usa ka lugar nga susama kadako sa usa ka American football field.
Sumala sa mga organizer, gi-require sa patakaran sa record-keeping organization nga ang sagbot kinahanglan unom ka pulgada ang gitas-on sa dili pa kini tabasan.
