GENERAL SANTOS CITY – Dili muhunong ang kapulisan sa dakbayan sa paggukod sa Faizal criminal group bisan ug napatay na ang usa sa giingong responsable sa robbery hold up nga natigayon sa dakbayan.
Kini ang pahayag ni OIC City PNP Director Col. Nicomedes Olaivar human na neutralize ang nagpangalan ug Alfie Alferes nga taga Fatima ning syudad.
Pagsaysay ni Olaivar nga una nga nagpabuto ug pusil si Alferes busa mibalos ang kapulisan hinungdan nga naigo ang suspek.
Gani nabalik na sa tag-iya ang mga celphone nga narekober sa panimalay sa suspek human positibu nga giila sa nahisgutan dihang midangat sa presento.
Matud pa ni Olaivar nga ang Faizal criminal group ang responsable usab sa robbery hold-up sa Polomolok, Koronadal ug Digos City.
Kahinumdduman nga duha ka lalaki ang misulod sa usa ka celphone lab sa dalang Llido barangay City heights nakalabay nga semana ug gilimas ang mukapin milyon nga kantidad sa celphone.
