-- ADVERTISEMENT --
GENERAL SANTOS CITY – Blangko pa ang mga sakop sa Fatima Police Station kalabot sa motibo sa pagpusil-patay sa usa ka ginang sa Empoyees Village Brgy Fatima ning dakbayan.
Kini gumikan nailhan matud pa isip buutan nga tawo ang biktima nga giilang si Josephine Suganob, 48 anyos, residente sa nasampit nga lugar, hinungdan nga bisan ang iyang mga silingan ang nahibulong nganong nahitabo sa nasampit sa ingon.
Kahinumduman nga dead on arrival ang biktima sa Dr. Jorge P Royeca Hospital kaniadtong Sabado sa hapon, human gipusil sa wala mailhing suspek gamit ang wala pa matino nga armas.
Padayon pa sa pagpangalap ug impormasyon ang kapulisan aron mailhan ang suspek, lakip na ang motibo sa krimen.
