GENSAN – Gisiguro ni General Santos City Mayor Lorelie Geronimo-Pacquiao nga dili mahal ang bayran nga arkila nga puwesto sa mga vendor sa Mallengke.
Matod niya, ang abang sa puwesto ang usa sa gipadangat nga mulo sa mga vendor nga basin mahal kung sila mag-ukopa dinhi.
Ubos sa Public-Private Partnership (PPP), gisiguro ni Mayor Pacquiao nga dili agrabiyado ang mga vendors.
Gisiguro usab niya nga dili sila pasagdan sa lokal nga gobyerno, ug siguradong mapadayon ang ilang pagpanginabuhi samtang nagapadayon ang konstruksyon sa proyekto. Aduna nay giandam nga lugar nga temporaryong ka-puwestohan sa mga vendor.
Kinahanglang i-demolish ang Central Public Market aron mahuman ug matukod ang moderno nga Mallengke nga adunay mas limpyo, mas organisado, ug mas luwas nga palengke para sa tanan
