Presyo sa gasolina musaka na usab sunod semana

Adunay laing usbaw sa presyo sa mga produktong petrolyo sunod semana.

Base sa miaging tulo ka adlaw sa patigayon sa Mean of Platts sa Singapore, ang presyo sa diesel ug kerosene misaka og dos pesos matag litro samtang ang presyo sa gasolina misaka og kapin sa P1.50 matag litro.

Sumala sa Department of Energy (DOE), ang nag-unang hinungdan sa pagsaka sa presyo mao ang bag-o nga mga panagbangi sa Estados Unidos ug sa Russia.

Ang katapusang mga pag-adjust sa presyo ipahibalo sa Lunes, Enero 20, ug moepekto sa Martes sa buntag, Enero 21.

Nasayran nga sa unang duha ka semana sa 2025, niabot na sa P2.30 ug P1.80 ang umento sa presyo sa diesel ug P1.80 matag litro sa gasolina.