-- ADVERTISEMENT --
Misaka og 2 porsiyento ang kinatibuk-ang produksyon sa pangisdaan sa Pilipinas sa ikaduhang quarter sa 2026, sumala sa Philippine Statistics Authority.
Base sa datos sa Bureau of Fisheries and Aquatic Resources o BFAR, mikabat sa 1.03 milyong metriko tonelada ang produksyon sa isda ug uban pang produkto sa pangisdaan gikan Abril hangtod Hunyo.
Misaka ang produksyon sa galunggong, tilapia ug pusit. Apan, mikunhod og 7.1 porsiyento ang produksyon sa bangus kumpara sa susamang panahon sa miaging tuig.
Gilaoman nga hisgutan sa mga representante sa industriya sa National Bangus Congress karong Oktubre ang mga pamaagi aron mapalig-on ang produksyon, panginabuhian sa mga mag-uuma og bangus ug kompetisyon sa merkado.
