Dungan nga paglihok sa presyo sa mga produktong petrolyo, epektibo karong adlawa

Dungan nga nagpatuman ang mga kompanya sa lana sa bag-ong presyo sa ilang mga produktong petrolyo, nga adunay pagkunhod ug pagsaka sa presyo.

Alas-sais sa buntag karong adlawa gipatuman ang P3.01 nga pagkunhod sa presyo sa matag litro sa diesel.

Samtang, misaka sa P1.56 ang presyo sa matag litro sa gasolina ug P1.77 usab ang dugang sa matag litro sa kerosene.

Lakip usab sa gipahibalo ni Energy Secretary Sharon Garin ang kasamtangang suplay sa lana sa nasud, diin ang diesel igo pa alang sa hangtod 56 ka adlaw.

Base sa suplay, ang gasolina igo pa alang sa hangtod 53 ka adlaw, samtang ang kerosene igo pa sa 147 ka adlaw ug ang liquefied petroleum gas o LPG igo pa sa 31 ka adlaw.