Gitinguha sa National Food Authority kon NFA nga makapalit og labing menos 500,000 metric tons nga humay atol sa ‘peak harvest season’ karon, isip bahin sa tibuok tuig nga target niini nga 790,000 metric tons.
Sumala ni NFA Administrator Larry Lacson, gipataas na sa ahensya ang ‘minimum buying price’ sa limpyo ug uga nga humay ngadto sa P28 hangtod P30 kada kilo aron madugangan ang gidaghanon sa ilang mapalit gikan sa mga mag-uuma.
Giingon ni Lacson nga nag-abang usab sila og dugang nga mga bodega aron adunay kapahimutangan sa daghang humay nga ilang paliton.
Dugang pa niya, magpadayon ang NFA sa pagpalit basta adunay bakanteng espasyo sa mga bodega hangtod makab-ot ang tibuok tuig nga target.
Gipasalig usab sa ahensya nga igo ang suplay sa bugas sa nasud, diin ang stock sa NFA bugti sa pito ka adlaw samtang ang kinatibuk-ang ‘national buffer stock’ mokabat sa mga 75 ka adlaw, lakip ang mga ‘stock’ sa panimalay, negosyante ug’ rice millers’.
