Patay ang usa ka 44-anyos nga mag-uuma human gitigbas sa liog gamit ang sundang sa iyang kauban sa pag-inom sa Sitio Lanao, Barangay Keytodac, Lebak, Sultan Kudarat, pasado alas-12:45 sa udto niadtong Oktubre 18, 2026.
Giila ang biktima nga si Cristopher Gabriel Eldo, residente sa maong lugar, samtang ang giingong suspek mao si Harel T. Bajala, 27-anyos, nga mag-uuma ug residente usab sa maong barangay.
Base sa inisyal nga imbestigasyon sa kapulisan, nag-inom ang duha sa dihang naglalis sila, hangtod nga kalit na lang giingong gitigbas sa suspek ang liog sa biktima gamit ang sundang.
Boluntaryong mitahan ang suspek sa Barangay Hall sa Barangay Keytodac human sa insidente.
Nakadawat ang kapulisan sa report pasado alas-2:10 sa hapon sa maong adlaw ug diha-diha nga gipadala ang ilang alert team ug imbestigador ngadto sa lugar aron susihon ang nahitabo.
Nagpadayon ang imbestigasyon sa kapulisan aron matino ang tibuok panghitabo ug ang posibleng kaso nga ipasaka batok sa suspek.
