-- ADVERTISEMENT --
Nakakab-ot og world record ang usa ka ‘chef’ sa Finland human niya mahurot ang 500 mililiters kapin 17 ounce nga ‘orange soda’ sulod lamang sa 3.16 seconds.
Si Tomi Kotilainen, 26 anyos, nakahimo sa maong rekord niadtong Hunyo 13 sa Järvenpää, Finland, diin iyang gipili ang Jaffa, usa ka Finnish brand sa orange soda nga iyang gihulagway nga pinakamaayong ilimnon sa kalibotan.
Nahimong unang tawo si Kotilainen nga nakahupot sa maong Guinness World Record, nga milabaw sa gitakdang tumong nga lima ka segundo.
Matod niya, nagplano pa siyang mosulay sa ubang mga rekord sa paspas nga pag-inom sa umaabot ug nagtuo nga mahimo pa niyang malabwan ang iyang kaugalingong oras pinaagi sa dugang nga mga pagsulay.
