GENSAN – Gi-awhag sa Traffic Enforcement Unit (TEU)-Gensan ang publiko sa husto ug luwas nga pag-drive, ilabi na sa mga tawo nga mangyuli sa ilang probinsya aron sa pagsaulog sa Bag-ong Tuig.
Sumala sa TEU, daghang motorista ug pamilya ang nagbiyahe sa highways ug city roads sa panahon sa holidays, ug posible nga mas dako ang risgo sa aksidente tungod sa siksikan nga trapiko, kapoy sa driver, ug posibleng paglapas sa traffic rules.
Gipahimangnoan ang tanan sa pagsunod sa speed limit, pag-check sa kondisyon sa sakyanan, ug paglikay sa pag-inom ug pag-drive.
Dugang pa, gi-awhag usab ang mga pasahero nga mag-seatbelt ug sigurohon ang safety sa ilang mga gamit.
Ang TEU nagpahimutang og road safety patrols ug assistance teams sa mga critical nga lugar aron masiguro nga ang biyahe sa publiko hapsay ug luwas.
