GENERAL SANTOS CITY – Anaa pa lamang sa 75 percent sa total target sa mga enrollees ang natala sa Dakbayan sa publiko ug pribado nga mga tulunghaan kung itandi sa susamang panahon sa miaging tuig.
Kini ang gibutyag ni Romelito Florez, ang labaw sa DepEd Gensan human natala ug 134,536 enrollees sa data nga natala kaniadtong Agosto kinse itande sa 161,047 miaging tuig.
Sa kasamtangan nagpadayon ang Brigada eskwela nga kabahin sa preparasyon sa pag-abli sa klase human nakatala ug 23 ka tulunghaan sa elementarya sa mga pangpubliko nga tulunghaan ang magpahigayon ug full phase face to face classes samtang walo ka tulunghaan sa secondary school.
Gikadugang niini nga ang mga tulunghaan nga magpahigayon ug full phase face to face classes ang mga tulunghaan nga nahimutang sa mga sook nga lugar ug gamay lamang ang natala sa ilang enrollees nga magpatuman sa mga health protocols.
Giangkon niini nga usa ka dakong hagit ang magpahigayon ug face to face classes karong Nobyembre dos tungod sa posibilidad nga dili walaon ang one meter distancing luyo nga may opsyon nga ipatuman nga mao ang shifting sa klase.
