GENERAL SANTOS CITY – Ihalad ni Senator Manny Pacquiao ang engkwentro sa umaabot July 2 kontra kay Jeff Horn sa mga biktima sa kasamok ilabina sa Marawi City.
Kini ang gibutyag ni Senator Pacquiao sa pakighinabi sa Bombo Radyo GenSan.
Gibutyag ni Pacman nga ihalad usab niya ang engkwentro sa mga napagan sa landslide, pagbaha og uban pang mga kalamidad.
Luyo niini dili masiguro sa fighting senator kung bisitahon ang mga residente sa Marawi City luyo nga nakapadala gilayon ug hinabang sa unang semana pa lamang ang nakalabay human nga gipatuman ang Martial Law sa Mindanao region.
Samtang, sa gipahigayog presscon kagabie sa iyang mansyon, subling napangutana ang pambansang kamao kung adunay matigayong knockout sa laban.
Tubag lamang niini nga kung mas sayo nga mahuman ang away sa Australian boxer, mas maayo.
