Dakbayan sa Gensan nakasinati og kusog nga pag ulan tungod sa LPA

Nakasinati og kusog nga pag-ulan nga inubanan sa panalugdog ug kilat ang dakbayan sa Heneral Santos kaganihang kaadlawon ning adlawa.

Daghan sa mga residente ang nalipay sa kalit nga ulan tungod sa pipila ka adlaw nga grabe kainit ug init nga panahon sa siyudad.

Sumala sa PAGASA ang maong pag-ulan resulta sa Low Pressure Area (LPA) nga naa sa gawas sa Philippine Area of Responsibility (PAR) sa amihanang-sidlakang bahin sa Mindanao nga nagdala og kalit-kalit nga ulan sa rehiyon.

Nagpadayon usab ang pahimangno sa PAGASA sa mga residente nga mag-amping ilabina sa panahon sa kalit nga kusog nga ulan. Gipahimangnoan usab ang mga nagpuyo sa mga low-lying areas nga magbantay sa posibilidad sa flash flood ug landslide.