Padayon pa ang bidding alang sa relocation site sa mga vendors nga maapektuhan sa planong demolition sa kasamtangang Central Public Market, isip kabahin sa preparasyon sa hingpit nga pag-implementar sa “Mallengke” o ang Palengke Heneral.
Sumala ni City Administrator Shandee Llido Pestaño, gilauman nga masugdan na karong tuiga ang pagtukod sa bag-ong palengke human maplastar ug matino ang relocation site alang sa mga apektadong magtinda.
Gipatin-aw usab ni Pestano nga dili pa sugdan ang aktwal nga konstruksyon sa bag-ong merkado hangtud nga masiguro nga naa nay tarong ug organisadong relocation area alang sa tanan nga maapektuhan sa demolition.
Sa pagkakaron, nagpadayon ang proseso sa bidding ug pagplano aron masiguro nga hapsay ug dili maabala ang operasyon sa mga vendors ug ang publiko nga mosalig sa serbisyo sa merkado.
Ginaatangan karon sa mga stakeholders kung kanus-a pormal nga masugdan ang proyekto nga gilauman nga maghatag og modernisado ug mas organisadong palengke sa General Santos City.
