Gipanghimakak ni House Deputy Speaker Ronnie Puno nga siya ang sunod nga Speaker sa House of Representatives.
Sukwahi kini sa pipila ka naglibot nga impormasyon nga siya ang gikonsiderar sa pipila ka mga magbabalaod nga mahimong sunod nga lider sa House.
Sa usa ka interbyu, gipangutana si Puno bahin sa maong impormasyon ug sa padayon nga pagkaylap niini, labi na sa ubos nga balay balauranan.
Mitubag si Puno nga wala siya masayod sa hinungdan sa pagkaylap niini, ug hinoon, nagpadayon siya sa pagtrabaho isip representante sa Antipolo.
Gawas niini, giingon usab ni Puno nga natagbaw siya isip tsirman sa National Unity Party ug nga nagpadayon siya sa pagbuhat niini uban sa suporta sa iyang mga kaubang magbabalaod.
Giingon usab ni Puno nga wala siya mangita og dugang trabaho ug natagbaw sa iyang kasamtangang posisyon.
