City Underpass project sa Gensan gisaway human gibaha tungod sa kusog nga ulan

Napuno na usab og pagsaway gikan sa katawhan ang City Underpass Project human kini nabahaan tungod sa kusog nga pag-ulan nga nasinati kaganiha sa dakbayan.

Sumala sa mga obserbasyon sa lugar, ang tubig nga mipuno sa underpass construction site nakahatag og impresyon nga murag nahimo na kini og “fishpond” tungod sa kataas sa lebel sa tubig sulod sa proyekto.

Daghan sa mga residente ang nagpahayag og kabalaka ug kasagmuyo sa kahimtang sa proyekto, ilabina kay dugay na kini nga nagpadayon apan balik-balik gihapon ang problema sa tubig kada kusog nga ulan.

Gihangyo sa katawhan ang mas lig-on nga plano sa drainage ug flood control sa maong proyekto aron malikayan ang susamang kahimtang sa umaabot nga pag-ulan.