-- ADVERTISEMENT --
Giawhag ni kanhi Presidente Rodrigo Duterte ang iyang mga tigpaluyo nga mag-ampo alang sa Pilipinas ug kang Presidente Ferdinand Marcos Jr.
Kini ang gipahayag ni Bise Presidente Sara Duterte sa usa ka interbyu sa iyang mga tigpaluyo human sa iyang pagbisita sa iyang amahan sa International Criminal Court (ICC) detention facility niadtong Mayo 7.
Gipaabot usab ni VP Sara sa iyang mga tigpaluyo ang giingon ni FPRRD nga ang iyang pagkabilanggo usa ka sakripisyo, busa dili na sila kinahanglan nga magsakripisyo sa gawas sa Duterte Street.
Hinunoa, gidasig sila sa kanhi Presidente nga mag-ampo alang sa nasud ug alang sa Presidente.
