GENERAL SANTOS CITY – Gipangunahan ni Senador Manny Pacquiao ang inagurasyon sa Pacman Hall sa Police Regional Office(PRO)-12 kuyog si Police Chief Supt. Cedric Train.
Gawas niini nag-wreath laying usab ang magbabalaug alang sa laing duha ka gambalay nga mao ang ‘Tahanan ng Lakan’ ug ‘Regional Headquarters’ sa PNP Support Group kaganihang buntag.
Atul sa maong selebrasyon, gipaklaro ni Sen. Pacquiao ang baruganan kalabut sa pag-uyon sa pagpabalik sa death penalty sa nasud.
Gihimong basihan niini ang pagpabalik sa death penalty human mabasa sa Bibliya ug mismong sa batakang balaud.
Giangkon sa Senador nga daghan ang nasuko kaniya tungod gisuportahan ang death penalty sa administrasyong Duterte.
Samtang sa pikas bahin, gipaklaro sa Pinoy champ nga madayon ang iyang away sa Abril 23 kasamtangang tuig apan milikay una nga panganlan ang iyang makaatbang.
