GENERAL SANTOS CITY – Nahunusan sa kinabuhi ang duha nga gitudlong suspek sa pagpusil patay sa empleyado sa City Engineering Office sa Tacurong atul sa gipahigayon nga hot pursuit operation sa kapulisan sa usa ka KTV Bar, sa Purok Sampaguita, Barangay Buenaflor, Tacurong City.
Kauban sa Tacurong Police station ang uban nga operatiba sa kapulisan sa gipahigayon nga operasyon. Sumala sa report sa kapulisan usa ka informant ang mipaabut ug taho sa presento kalabut sa pagtago sa matud pa mga suspek KTV Bar hinungdan nga nagpahigayon ug operasyon.
Kahinumduman nga gipusil patay ang biktima nga si Sonyflor Surdilla Erosedo, 44 anyos, may asawa, ug residente sa Purok San Roque, Barangay EJC Montilla, Tacurong city.
Nahibaw-an nga pasulod pa lamang ang operating team sa bar gilayon ng nagpabuto ug armas ang mga suspek hinungdan nga pugos mibalos .
Naigo ang mga suspek hinungdan gidala sa hospital apan gibawi-an usab ang kinabuhi.
Narekober sa SOCO ug investigator sa possession sa mga suspek ang matud pa sachet sa gidudahang illegal nga droga ug pusil.
Giila ang namatay nga si Amer Daligdigan anaa sa hustong edad ug residente sa Purok Awot, Barangay Poblacion, Bagumbayan, Sultan Kudarat.
