Lahi-lahi ang epekto sa postponement sa Barangay ug Sangguniang Kabataan Elections o BSKE ngadto sa mga incumbent barangay officials, sumala kang Barangay Fatima Captain Renante Curit.
Matud ni Curit, giisip niya nga oportunidad ang dugang nga duha ka tuig sa paglingkod aron mapadayon ug mahuman ang mga proyekto sa barangay, lakip na ang pagpasemento sa mga kadalanan ug pagpalig-on sa ubang serbisyo alang sa mga residente.
Apan alang sa mga opisyal nga anaa na sa ilang ikaduhang termino, giingon ni Curit nga lahi ang ilang sitwasyon tungod kay dili na sila mahimong modagan pag-usab sa 2028.
Samtang, mas taas ang mahimong panahon sa pagserbisyo sa mga opisyal nga anaa na sa ilang ikatulong termino tungod sa postponement sa eleksyon.
Bisan pa sa nagkalain-laing epekto niini, giingon ni Curit nga respetohon ug dawaton niya ang bag-ong balaod._
