Gimandoan ni Presidente Ferdinand Marcod Jr. ang mga ahensya sa pagpatuman sa balaod nga dakpon si kanhi Ako Bicol Partylist Rep. Zaldy Co ug 17 pa ka mga personahe gikan sa SPWH ug Sunwest Corporation.
Kini human ang Ombudsman nag-isyu og warrant of arrest batok sa nahisgutang mga indibidwal.
Sumala sa Presidente, ang Office of the Ombudsman pormal nga nagsang-at og kaso batok kang Zaldy Co ug 17 pa ka mga indibidwal.
Kini gibase sa ebidensya nga gisumite sa Independent Commission of Investigation (ICI) ug sa Department of Public Works and Highways (DPWH).
Sumala sa Presidente, ang mga dokumento nga nagsilbing basehan sa pagsang-at sa kaso klaro ug lig-on.
Gidugang sa Presidente nga ang mga awtoridad andam na sa pagpatuman sa mga warrant of arrest.
Ang mga akusado dakpon, dad-on sa korte, ug manubag sumala sa balaod.
Gipasalig sa Presidente nga walay espesyal nga pagtratar ug walay bisan kinsa nga maluwas.
Gipasiugda sa Presidente nga iyang tapuson ang paglimpyo nga iyang gisugdan sa nahisgutang anomaliya.
Nagpasalamat si Presidente Marcos Jr. sa mga tawo sa ilang pailob samtang naghulat sa resulta sa imbestigasyon. Matod niya nga ang mga lakang sa gobyerno aron masiguro nga ang mga naa sa luyo sa kontrobersiya mapanubag nagsugod na og bunga.
