Nagmando si Philippine National Police (PNP) Chief Police General Jose Melencio Nartatez Jr. og hingpit nga imbestigasyon sa giingong “mga sekreto nga meeting” nga naglambigit sa mga paryente sa nawala nga mga sabungero ug pipila ka mga gihulip nga opisyal sa pulis nga nalambigit sa kontrobersyal nga kaso sa pagkawala sa mga mahiligon sa e-sabong.
Sumala ni Nartatez, ilang sayron kung aduna bay ubang mga opisyal sa pulis nga mitabang sa pag-organisa sa maong mga meeting nga nabutyag human gisuspenso ang duha ka mga opisyal sa pulis tungod sa usa ka reklamo sa National Police Commission (Napolcom).
Kahinumduman nga pipila ka dosena nga mga sabungero ang nawala gikan sa 2021 hangtod 2022 human nalambigit sa giingong mga operasyon sa e-sabong, nga nag-aghat sa mga imbestigasyon sa Senado ug sa pulis.
Bag-ohay lang, duha ka mga opisyal sa pulis ang gireklamo sa Napolcom tungod sa giingong pag-organisa sa mga sekreto nga meeting tali sa mga paryente sa biktima ug 13 ka mga nadakpan nga opisyal sa pulis.
Lakip sa mga gireklamo mao sila si Lt. Nadame Malang sa Highway Patrol Group ug Maj. Reynaldo Pañebe Jr. sa PNP Custodial Center, kinsa giakusahan nga nanghilabot sa imbestigasyon pinaagi sa pagpadali sa usa ka “amicable settlement” nga giingong giubanan sa tabang sa abogado sa gambling tycoon nga si Atong Ang.
Ang PNP miingon nga ang nternal investigation ug ang imbestigasyon sa Napolcom magdungan og dagan, nga nag-insister nga walay foul play ug nga bisan kinsa nga makit-ang nakalapas sa balaod manubag.
