Nagpahibalo ang National Bureau of Investigation nga daghang mga indibidwal ang mahimong mag-atubang og bag-ong mga warrant of arrest nga i-isyu sa International Criminal Court.
Mismong si NBI Director Atty. Melvin Matibag ang mipaambit nga aduna silay impormasyon bahin sa posibilidad nga ang International Tribunal mo-isyu og dugang mga warrant of arrest.
Bisan pa, iyang gipasalig nga ang bureau andam kung kini mahitabo aron ipatuman o ipadayon ang pagpatuman sa nadawat nga warrant.
Sumala sa direktor, naghimo usab sila og mga protocol sa proseso sa pagserbisyo sa warrant of arrest ug gipasiugda nga walay bisan kinsa nga mapaboran sa pag-isyu sa maong mga warrant.
Sa pagkakaron, ang bureau naka-focus sa pagpangita kang Sen. Bato Dela Rosa aron siya madakpan.
Gimandoan sa Department of Justice ang NBI nga i-serve ang warrant gikan sa International Criminal Court batok sa magbabalaod.
Gawas kang Sen. Bato Dela Rosa, sila si Sen. Bong Go, kanhi DOJ Sec. Vitallano Agirre II, kanhi PNP Chief Oscar Albayalde ug uban pa.
