Gipaklaro ni Atty. Jong Gonzalez ang labaw sa Public Safety Office nga sa karun wala pay available nga prangkisa alang sa mga tricycle operators ug drivers gumikan napuno na ang 9,000 ka slot para sa franchising.
Matod ni Atty. Gonzalez nga adunay mga nihangyo sailang buhatan nga mag-apply ug prangkisa apan ang ginatuman sa PSO mao ang mando gikan sa Motorized Tricycle Franchise and Regulatory Board o MTFRB gani sila lang usab makadesisyon ug mag open ug slot alang sa prangkisa o mag close.
Hinoun dugang pagpaklaro ni Atty. Gonzalez nga sailang ulahing meeting adunay nahisgutan nga anaa sa kapin 3,500 ka mga prangkisa ang i-revoked ug kini posibleng mag abli ug bag-ong batch sa mga kuha ug prangkisa, apan kini wala pay gipagawas nga desisyon ug kinahanglan magpaabot lang usa.
Kahinumduman nga sa wala pa napuno ang 9,000 vacancy sa prangkisa padayon ang panawagan sa Public Safety Office sa mga tricycle operators ug drivers nga first come, first serve lang kini ug ma avail na ang 9,000 franchise wala pay kasigurohan ug kanus kini sunod mag-abli.
