Nagsugod na sa seryosong pagbansay si Manny Pacquiao isip kabahin sa iyang pagpangandam alang sa gipaabot nga rematch batok kang Floyd Mayweather Jr. karong Septiyembre 25, 2026.
Sumala kang Coach Nonito Donaire, anaa sa maayong kondisyon si Pacquiao ug klaro ang determinasyon niini sa pag-atubang pag-usab kang Mayweather sa usa ka away nga gilauman nga makapukaw pag-usab sa interes sa boxing world.
Gibutyag ni Donaire nga kaabag niya sa pagmonitor sa kondisyon ni Pacquiao si conditioning coach Nonoy Neri, ilabina atol sa ilang pagdumala usab sa training ni reymart Gaballo nga gikatakdang mahimong undercard fighter sa maong big event sa Septiyembre.
Matud pa sa kampo ni Pacquiao, dako ang natabang sa regular nga pagdula niini og basketball aron mapalig-on ang iyang stamina ug overall conditioning bisan pa sa iyang edad. Bisan wala pa magsugod ang pormal nga training camp sa gawas sa nasud, aktibo na si Pacquiao sa adlaw-adlaw nga ensayo sulod sa ilang compound sa Lagao ning siyudad…
Samtang nagkaduol ang dakong away, mas gipakusgan pa ni Pacquiao ang iyang pagpangandam uban sa pagsalig nga mahimo niyang mapasundayag pag-usab ang iyang kahanas ug kusog sulod sa boxing ring.
