Ginahulat na sa Department of Justice (DOJ) ang resulta sa gipahigyong imbestigasyon sa Philippine National Police (PNP) kalabot sa maduguong war on drugs sa miaging administrasyong Duterte.
Matod kang Pangulong Ferdinand Marcos Jr., nga tanan sa testimonya nga gihatag sa miaging adlaw, lakip ang mga nahimong pahayag ni kanhi Pangulong Rodrigo Duterte, ilakip og susihon usab sa PNP.
Sa susamang pamaagi, sumala sa Pangulo, masayran ang tinuod nga kahulugan og posibleng epekto sa pipila sa pahayag ni Duterte sa legal nga aspeto.
Kini matod pa mahimong magresulta sa pagpasaka og kaso nga adunay kalabotan sa maong isyu.
Gibutyag sa Presidente nga kung musugot si Duterte nga mukooperar o magpaimbestiga sa International Criminal Court (ICC) anaa na sa kanhi presidente na kini og dili matod pa nila kini pugngan.
Dugang pa ni Pangulong Marcos, dili nila babagan ang posibleng imbestigasyon sa ICC.
” Well, it’s – right now, that is being done by the PNP. And so, we are looking – we’re waiting for their findings. But you know, all of the testimony that was given yesterday really – will be taken in and will be assessed to see what – in legal terms, what is the real meaning and consequence of some of the statements made by PRRD,” pahayag ni Pang.Marcos.
