Gipasiugda sa Malacañang nga naapektuhan ang katawhan ug ang ekonomiya tungod sa kagubot ug kasamok sa Senado. Sumala kang Palace Press Officer Claire Castro, dako ang epekto sa mga panghitabo sa Senado ilabina sa pagpasa sa mga prayoridad nga mga sugyot balaodnon.
Sa miaging adlaw, wala nakapahigayon og sesyon ang Senado human madakpan si Sen. Jinggoy Estrada. Duha na lamang ka adlaw ang nahibilin antes sa sine die adjournment sa first regular session sa 20th Congress.
Human niini, sa Hulyo na usab mobalik ang sesyon sa mga magbabalaod dungan sa State of the Nation Address o SONA sa Pangulo.
Mahinumduman nga kapin sa 20 ka priority bills ang giaprubahan ni Pres. Bongbong Marcos atol sa Legislative-Executive Development Advisory Council o LEDAC meeting.
Lakip niini ang Anti-Political Dynasty Law, Independent People’s Commission Act, Travel Tax Abolition, ug Citizen Access and Disclosure of Expenditures for National Accountability o CADENA Act.
