SARANGANI- Gipadayag ni Malapatan Mayor Salway Sumbo Jr nga halos puno na ang mga stall sa bag-ong mallengke sa Malapatan, ilabi na ang mga espasyo nga para sa pag-abang sa mga negosyante.
Giingon niya nga daghan na ang lokal ug gikan sa gawas nga mga renter nga nag-apil, ug gilauman nga mapuno gyud kini karong semanaha tungod sa padayon nga proseso ug kusog nga interes sa pagnegosyo.
Iyang gipadayag usab nga adunay gi-assign nga mga lugar para sa LTO, SSS, ug DSWD, ug uban pang serbisyo sa gobyerno nga mahimong libre gamiton sa mga national government partners.
Lakip usab niini ang lugar para sa pag-apod-apod sa ayuda, aron mas sayon ang pagdawat sa kwarta ug makapamalit dayon ang mga tawo sa mallengke.
Sa bahin sa adlaw-adlaw nga mga vendor, miingon ang mayor nga maayo pa ang ilang pagdawat sa renta sa karon apan obserbahan pa sa mosunod nga mga bulan kung makabawi ba ang ilang kita ug magpadayon ang kalig-on sa operasyon
