Gibalik sa Philippine National Police General Hospital si kanhi Department of Public Works and Highways Secretary Manuel Bonoan. Kini human siya misang-at og mosyon alang sa iyang hospital arrest.
Pasado alas-1 sa hapon niadtong Martes, Hunyo 2, gidala gawas ang kanhi kalihim aron motambong sa iyang arraignment sa kasong graft ug return of warrant sa kasong plunder sa Sandiganbayan.
Apan gi-postpone ang arraignment nila ni Bonoan ug Sen. Jinggoy Estrada hangtod Hunyo 4 tungod sa pending nga mosyon may kalabotan sa ₱537-milyon nga plunder ug graft charges nga may koneksyon sa anomaliya sa flood control projects.
Gikompirma usab sa Fifth Division sa Sandiganbayan nga nakadawat sila og mosyon alang sa hospital arrest.
Gidawat sa anti-graft court ang mosyon ni Bonoan sulod sa ubos pa sa 24 oras human siya gidala sa PNP General Hospital tungod sa pagtaas sa iyang blood pressure.
