Nagkasinabot ang tulo sa mga lider sa dagkong gahum sa kalibotan nga sila si United States President Donald Trump, Russian President Vladimir Putin ug Chinese President Xi Jinping nga palig-onon ang kalinaw sa tibuok kalibotan, human sa ilang unang trilateral meeting sa Shenzhen, China kagahapon, Huwebes, dungan sa Asia-Pacific Economic Cooperation (APEC) Summit.
Milungtad og 1 ka oras ug 20 minutos ang ilang tigom diin gihisgutan ang seguridad, enerhiya ug ang gubat sa Ukraine.
Sa ilang hiniusang deklarasyon, gipasiugda sa mga lider nga dili gayod angay mahitabo ang nuclear war. Gihisgutan usab nila ang pagpalapad sa produksyon ug suplay sa petrolyo.
Gipadayag ni Trump ang kamahinungdanon sa abri nga komunikasyon aron malikayan ang mga panagbangi sa tibuok kalibotan, samtang gipahayag ni Putin ang panginahanglan nga tapuson na ang nagkagrabeng gubat sa Ukraine.
Gikonsidera nga makasaysayanon ang maong tigom tungod kay unang higayon nga nagtigom ang tulo ka lider alang sa trilateral discussion, taliwala sa nagpadayon nga tensiyon ug nagkalainlaing interes sa ilang tagsa-tagsa ka nasod.











