-- ADVERTISEMENT --

Nagpadayon ang imbestigasyon sa kapulisan aron mailhan ang mga suspek ug matino ang motibo sa pagpamusil sa usa ka school principal nga namatay human tambanga samtang nagmaneho sa iyang sakyanan sa Barangay Salbu, Datu Saudi Ampatuan, Maguindanao del Sur.

Giila ang biktima nga si Dionel Villabito Mahusay, principal sa Pendililang Elementary School ug residente sa maong barangay.

Base sa inisyal nga imbestigasyon, bag-o pa lamang nakabiya sa ilang panimalay ang biktima pasado alas-8 sa buntag niadtong Miyerkules, Nobyembre 18, dihang gitaparan siya sa wala pa mailhing mga suspek sa may 50 metros gikan sa ilang balay ug gipusil sa nagkadaiyang bahin sa lawas.

Hinungdan sa iyang grabeng mga samad ang hinanaling kamatayon niini samtang dali usab nga mikalagiw ang mga suspek padulong sa wala pa matino nga direksiyon.