-- ADVERTISEMENT --

Dugangan sa Police Regional Office 12 ang presensiya sa mga pulis sa mga lugar nga gilauman nga daghang tawo ang magtapok panahon sa kapaskuhan isip lakang batok sa posibleng pagpangawat, pagpangholdap ug uban pang matang sa krimen.

Sumala kang PBGen. Alan Manibog, Regional Director sa PRO-12, hugot nga mga lakang sa seguridad ang ipatuman aron masiguro ang kaluwasan sa publiko samtang nagkaduol ang selebrasyon sa Pasko ug Bag-ong Tuig.

Gipahimangnoan usab ang publiko nga magmatngon sa ilang palibot ug likayan ang paghatag og higayon sa mga kriminal nga mabiktima sila. Giawhag usab ang tanan nga dihang makamatikod og kadudahang lihok o tawo, diha-diha kining ireport sa labing duol nga estasyon sa kapulisan.