-- ADVERTISEMENT --

Importante nga pahimuslan sa Pilipinas ang oportunidad sa pag-host sa mga regional nga kalihokan sama sa ASEAN Summit aron mapalig-on ang relasyon niini sa ubang nasod, ilabina sa panahon nga nagkagrabe ang tensiyon sa nagkalainlaing bahin sa kalibotan.

Kini ang punto nga gipadayag ni Atty. Dominador Lagare Jr. sa College of Law sa MSU-General Santos, diin iyang gihisgotan ang posibleng hulga sa gubat sa pipila ka nasod sa Europe ug ang nagpadayon nga panaglalis sa West Philippine Sea tungod sa pag-angkon sa China.

Matod niya, kinahanglan nga sayo pa lang mailhan na sa Pilipinas kung kinsa ang mga nasod nga mahimong kasaligan ug andam motabang panahon sa krisis, lakip na ang Japan, South Korea, Germany, France, Italy ug United Kingdom.

Tungod niini, nakita nga importante ang pagpalig-on sa diplomatikong relasyon aron adunay mga nasod nga mahimong maduolan ug mosuporta sa Pilipinas kon moabot ang panahon nga magkinahanglan kini og tabang.